Ert þú kjörinn fulltrúi Sjálfstæðisflokksins í sveitarstjórn sem hefur hvorki tíma né áhuga á að kafa í gögn, skrifa greinar eða sannreyna heimildir? Þá er þetta námskeið fyrir þig.
Við byggjum á raunverulegum innblæstri, til dæmis grein Ásdísar Kristjánsdóttur bæjarstjóra í Kópavogi sem bar öll einkenni þess að vera skrifuð af gervigreind frá A til Ö – slétt, örugg og einkennilega laus við raunverulegt innihald.
Einnig horfum við til þess þegar Orri Björnsson, Kristín Thoroddsen og Viktor Pétur Finnsson frambjóðendur í Hafnarfirði deildu mynd um leikskólamál sem leit út fyrir að vera sannfærandi, þar til einhver fór að skoða heimildirnar og rauntölurnar (sem reyndust, vægast sagt, þokukenndar).
Kom þá upp úr krafsinu að myndin hafði, samkvæmt oddvita Sjálfstæðisflokksins, einfaldlega verið „kokkuð upp“ af gervigreindinni án þess að frekar væri rýnt í málið.
Á námskeiðinu lærir þú auk annars:
- Að láta gervigreind skrifa skoðanir fyrir þig
- Um listina að deila staðreyndum án þess að kanna þær og vera kokhraustur á meðan
En við leyfum okkur líka smá heimspeki á námskeiðinu:
- Er gott að treysta blint á gervigreind og sleppa því að athuga hvað er satt?
- Ef ekki, er þá raunverulega skynsamlegt að fela fólki sem það gerir stjórn stærstu sveitarfélaga landsins?
Skráðu þig strax í dag. Ekkert innihald innifalið – en það hefur reyndar aldrei stoppað neinn.
Þessi auglýsing var búin til með hjálp gervigreindar, ChatGPT, en lesin yfir og löguð til af manneskju.