Sigurstranglegur listi kynntur í Reykjanesbæ

Samfylkingin í Reykjanesbæ kynnti framboðslista á fjölmennum fundi á þriðjudagskvöld. Guðný Birna Guðmundsdóttir, forseti bæjarstjórnar og ritari Samfylkingarinnar, verður áfram oddviti listans. Samfylkingin hefur verið leiðandi afl í bæjarstjórn Reykjanesbæjar á þessu kjörtímabili og stefnir á að vera það áfram.

Listinn fyrir vorið, sem byggir á vandaðri vinnu uppstillingarnefndar, gefur góða möguleika á því. Dagmar Lóa Hilmarsdóttir, formaður uppstillingarnefndar, sagði frá því á fundinum að áhuginn á þátttöku hefði verið mikill og að fjöldi fólks hefði lýst yfir vilja til að taka sæti á lista.

Framboðslistinn er því samansettur af fólki með fjölbreyttan bakgrunn og reynslu, á breiðu aldursbili, með góðri blöndu af nýjum einstaklingum ásamt reynslumeiri í málefnum bæjarstjórnar.

Kristrún Frostadóttir formaður Samfylkingarinnar var viðstödd fundinn í Reykjanesbæ og las upp tillögu uppstillingarnefndar. Víðir Reynisson þingmaður Samfylkingar í Suðurkjördæmi flutti einnig ávarp á fundinum.

Samfylkingin hlaut 22,11% atkvæða í kosningunum í Reykjanesbæ árið 2022 og þrjá bæjarfulltrúa kjörna. Á kjörtímabilinu hefur Samfylkingin myndað meirihluta með Framsóknarflokknum og Beinni leið.

Framboðslisti Samfylkingarinnar í Reykjanesbæ:

1. sæti – Guðný Birna Guðmundsdóttir, forseti bæjarstjórnar Reykjanesbæjar og ritari Samfylkingar.
2. sæti – Hjörtur Magnús Guðbjartsson, kerfisstjóri.
3. sæti – Aðalheiður Hilmarsdóttir, atvinnu- og virkniráðgjafi hjá Reykjavíkurborg.
4. sæti – Bjarni Halldór Heiðuson, stjórnmálafræðingur.
5. sæti – Hámundur Örn Helgason, framkvæmdastjóri UMFN.
6. sæti – Sigurrós Antonsdóttir, bæjarfulltrúi og lögreglumaður.
7. sæti – Eysteinn Eyjólfsson, samskiptastjóri VIRK.
8. sæti – Hildur Björnsdóttir, lýðheilsufræðingur og kennari.
9. sæti – Magnús Einþór Áskelsson, þroskaþjálfi.
10. sæti – Elfa Hrund Guttormsdóttir, félagsráðgjafi og flugþjónn.
11. sæti – Hjálmar Kári Smárason, verkefnastjóri og markaðsstjóri.
12. sæti – Vala Ósk Ólafsdóttir, félagsráðgjafi í barnavernd.
13. sæti – Hlynur Snær Vilhjálmsson, háseti.
14. sæti – Erna María Jensdóttir, ráðgjafi.
15. sæti – Styrmir Gauti Fjeldsted, vöruhúsastjóri.
16. sæti – Tinna Kristjánsdóttir, þroskaþjálfi.
17. sæti – Stefán Páll Halldórsson, tryggingarráðgjafi.
18. sæti – Auður Sigurðardóttir, aðstoðardeildarstjóri.
19. sæti – Borgar Lúðvík Jónsson, formaður Öldungaráðs Reykjanesbæjar.
20. sæti – Borgar Unnbjörn Ólafsson, fyrrum vélstjóri og varamaður í stjórn Félags eldri borgara.
21. sæti – Sveindís Valdimarsdóttir, fyrrum bæjarfulltrúi og nemi í grasalækningum.
22. sæti – Friðjón Einarsson, fyrrum bæjarfulltrúi og ráðgjafi.