Steinunn Gyðu- og Guðjónsdóttir er nýr formaður Kvennahreyfingar Samfylkingarinnar, en hreyfingin hélt aðalfund sinn fyrir setningu landsfundar Samfylkingarinnar á dögunum.
Á aðalfundinum var ný stjórn kjörin, en auk Steinunnar eru Birgitta Ásbjörnsdóttir, Eyrún Fríða Árnadóttir og Agla Arnars Katrínardóttir kjörnar í stjórn hreyfingarinnar og Valgerður Halldórsdóttir, Hrund Valsdóttir og Magnea Marinósdóttir í varastjórn. Að auki var Dagbjört Hákonardóttir tilnefnd frá þingflokki Samfylkingarinnar í stjórn Kvennahreyfingarinnar.
Steinunn tekur við formennsku í Kvennahreyfingunni af Hildi Rós Guðbjargardóttur, sem hefur verið formaður frá árinu 2022.
Þess má til gamans geta að Steinunn er þriðja Steinunnin sem gegnir formennsku í hreyfingunni, en Steinunn Valdís Óskarsdóttir og Steinunn Ýr Einarsdóttir hafa einnig verið formenn Kvennahreyfingarinnar, sem stofnuð var árið 2005.