Framboð Samfylkingar og óháðra í Suðurnesjabæ kynnti lista sinn og bauð til samtals við frambjóðendur á Bókasafni Suðurnesjabæjar á sunnudag. Svavar Grétarsson flotastjóri leiðir framboðið og Bergný Jóna Sævarsdóttir stjórnsýslufræðingur og verkefnastjóri er í öðru sæti listans.
Framboðslisti Samfylkingar og óháðra er skipaður fólki úr báðum byggðakjörnum Suðurnesjabæjar, Garði og Sandgerði. S-listinn í Suðurnesjabæ mun leggja mikla áherslu á sameinað samfélag á komandi kjörtímabili og í kosningabaráttunni.
Síðast þegar gengið var til kosninga í Suðurnesjabæ hlaut S-listinn rúm 25% atkvæða og tvo bæjarfulltrúa kjörna.
Á fundinum á sunnudag sagði oddvitinn Svavar frá því að á næstu dögum yrði íbúum og áhugasömum boðið að taka þátt í málefnavinnu með frambjóðendum áður en formleg stefnuskrá verður birt og að búast megi við líflegum og skemmtilegum undirbúningstíma fyrir komandi kosningar.
Listi Samfylkingar og óháðra í Suðurnesjabæ:
1. Svavar Grétarsson, flotastjóri
2. Bergný Jóna Sævarsdóttir, verkefnastjóri og stjórnsýslufræðingur
3. Egill Rúnar Sigurðsson, stjórnmálafræðingur, atvinnurekandi og ökukennari
4. Önundur S. Björnsson, bæjarfulltrúi og fyrrum sóknarprestur
5. Thelma Dís Eggertsdóttir, grunnskólakennari
6. Bára Kristín Þórisdóttir, háskólanemi, er í fæðingarorlofi
7. Agnes Helgadóttir, uppeldis- og menntunarfræðingur
8. Jón Þór Jónsson, formaður Björgunarsveitarinnar Sigurvonar, háskólanemi og
stuðningsfulltrúi
9. Benóný Þórhallsson, smiður
10. Przemyslaw Antoni Szymajda, verkstjóri
11. Magnús Orri Arnarson, kvikmyndagerðarmaður
12. Hildur Guðný Björnsdóttir, nemi
13. Fannar Sigurbjörnsson, slökkviliðsmaður
14. Sigurbjörg Ragnarsdóttir, fyrrum gjaldkeri
15. Jón Snævar Jónsson, húsasmíðameistari
16. Sigursveinn Bjarni Jónsson, sölustjóri og formaður bæjarráðs
17. Elín Frímannsdóttir, löggiltur fasteignasali og fyrrum bæjarfulltrúi
18. Jórunn Alda Guðmundsdóttir, fyrrverandi leikskólastjóri og eldri borgari