Mennta- og velferðarmál á oddinn á Akureyri – Sindri leiðir listann

Sindri S. Kristjánsson skrifstofustjóri og Hanna Dóra Markúsdóttir grunnskólakennari eru í efstu tveimur sætum á framboðslista Samfylkingarinnar á Akureyri, sem samþykktur var á fjölmennum fundi Samfylkingarfólks í bænum síðasta laugardag.

Samfylkingin hefur átt einn fulltrúa í bæjarstjórn Akureyrar á þessu kjörtímabili, Hildu Jönu Gísladóttur. Hún hefur ákveðið að láta staðar numið í bæjarmálunum eftir að hafa staðið í stafni hjá Samfylkingunni í bænum frá 2018. Sindri tekur við keflinu, en hann hefur verið varabæjarfulltrúi á kjörtímabilinu.

„Ég er mjög þakklátur uppstillingarnefnd og félögum mínum í flokknum sem ákváðu að treysta mér til að leiða listann. Listinn er ótrúlega öflugur, bæði fjölbreyttur en traustur í senn. Með þessum lista sendum við skýr skilaboð til bæjarbúa. Við ætlum að setja menntamál og velferðarmál rækilega á oddinn ásamt að ungum Akureyringum er treyst til ábyrgðar og verka. Verkefnið framundan er stórt en það er jafnframt spennandi og skemmtilegt. Jafnaðarfólk á Akureyri er mætt til leiks,“ segir Sindri S. Kristjánsson.

Framboðslisti Samfylkingarinnar á Akureyri var kynntur í dag og er þannig skipaður:

1. Sindri S. Kristjánsson, skrifstofustjóri og varabæjarfulltrúi
2. Hanna Dóra Markúsdóttir, grunnskólakennari
3. Sigrún Steinarsdóttir, stofnandi Matargjafir Akureyri og nágrenni
4. Jóhannes Már Pétursson, háskólanemi
5. Zane Brikovska, starfsmaður á Bjargey meðferðarheimili
6. Baldur Sverrisson, framhaldsskólakennari
7. Elsa María Guðmundsdóttir, sjónlistakennari
8. Elvar Björn Ólafsson, nemi
9. Kristín Helga Schiöth, alþjóðafræðingur og blómakona
10. Jóhann Jónsson, innkaupastjóri
11. Aðalheiður Anna Ragnarsdóttir, nemi og íshokkíkona
12. Kristinn Berg Gunnarsson, framhaldsskólakennari
13. Heiðrún Hafdal Björgvinsdóttir, háskólanemi
14. Hallur Gunnarsson, framkvæmdastjóri Saga Travel
15. Anna Sigga Jökuls Ragnheiðard., sálfræðingur
16. Unnar Jónsson, forstöðumaður
17. Kristín Sóley Björnsdóttir, viðburðastjóri
18. Eiður Stefánsson, formaður Félags verslunar- og skrifstofufólks á Akureyri
19. Sigríður Huld Jónsdóttir, fv.bæjarfulltrúim verkefnastjóri og hjúkrunarfræðingur
20. Þorsteinn Þorsteinsson, fuglaskoðunarmaður
21. Guðrún Gunnarsdóttir, eldri borgari
22. Ragnar Sverrisson, kaupmaður