Í þessari viku er kjördæmavika á Alþingi. Þá er gert hlé á hefðbundnum þingfundum og nefndarstörfum og þingmenn halda út í kjördæmin til að hitta fólk, fyrirtæki og stofnanir, kynna sér aðstæður og hlusta á það sem brennur á fólki.
Samfylkingin hefur lagt mikla áherslu á opið milliliðalaust samtal og því eru þessar vikur í miklu uppáhaldi hjá þingmönnum.
Í vikunni verður sérstök áhersla á að heimsækja Snæfellsnesið og Vestfirðina, en þar mun stór hluti þingflokksins sameinast í síðari hluta vikunnar. Þó verður einnig dagskrá í öðrum kjördæmum, bæði á höfuðborgarsvæðinu og víðar um landið.
Við ætlum að heimsækja skóla og heilbrigðisstofnanir, funda með sveitarstjórnarfólki, heimsækja fyrirtæki og bjóða til fjölda opinna funda.
Eftirfarandi opnir fundir verða á dagskrá:
Alma Möller um heilbrigðismál í Reykjanesbæ – mánudaginn 23. feb. kl. 17:00
Alma Möller um heilbrigðismál í Kópavogi – mánudaginn 23. feb. kl. 20:00
Logi Einarsson á Akureyri – mánudaginn 23. feb. kl. 17:00
Logi Einarsson og Eydís Ásbjörnsdóttir á Seyðisfirði – þriðjudaginn 24. feb. kl. 17:00
Logi Einarsson og Eydís Ásbjörnsdóttir á Eskifirði – miðvikudaginn 25. feb kl. 17:00
Opið samtal á Þingeyri – fimmtudaginn 26. feb. kl. 12:00
Opið samtal með þingflokknum á Ísafirði – fimmtudaginn 26. febrúar kl. 19.30
Opið samtal í Bolungarvík – föstudaginn 27. febrúar kl. 12:00
Frekari upplýsingar um einstaka fundi má finna á Facebook-síðu Samfylkingarinnar. Við hlökkum til að hitta ykkur í vikunni!